قصه جميله للكاتبه ماهي احمد

الجزء الاول 
فى إحدى القصور بقرية من قرى الصعيد النائية وفى ليلة حالكة الظلام حيث كان الصمت هو المتحدث الوحيد فى تلك الليلة مع بعض من نسمات الهواء على استحياء أقتحم الضبع غرفة ابنه وهو يصيح بصوت مرتفع بأسم إبنه ياسين حيث كانت تغمره السعادة ويكاد بريق عينيه ان يبدد الظلام الذى بالخارج وهو يقول له

انت فين البشارة جت البشارة ياولدى
نهض ياسين وهو عارى الصدر وتبرز عضلاته وقد تملكته المفاجأة بالارتباك وهو يقول
بشارة اية يابوى اللى جت
بنت العزايزة بتولد ياولدى خلاص أخيرآ بتولد
قال جملته وكانت تغمره السعاده
أنت بتتحدد عن آية يا بوى أنا مفهمش
نظر له والده نظرة مريبه وقد أنمحى من عينيه بريقهما وحل مكانهما الڠضب والكره وهو يتحدث بنبرة يملؤها الڠضب
لاء إنت فاهمنى كويس وعارف انا بتكلم عن مين ياياسين
نهض ياسين لكى يرتدى جلبابه بعدم مبالاه وتحدث متهكمآ
وحتى لو البنية بتولد والبت اتولدت لسه بدرى يابوى على اللي بيدور جوات راسك
نظر له والده نظرة طويلة وقد تقافزت من عينيه شرارات الڠضب وقد كاد ينقض عليه
لاء كفايه اكده احنا استنيناها تحمل وتولد من سنين طويله واهى هتولد وخلاص يكون فمعلومك هتكتب كتابك عليها الليله
اكمل ياسين ارتداء جلبابه وضبط درجات السلم خلف أبيه وهو يتحدث بحنق وڠضب
انت اكيد بتجول اى كلام يابوى ماهو ده مش حديت ناس عاجلين واصل انت اتجنت ولا أيه يا بوى كنك كبرت وخرفت دى لستها عيلة صغيره بترضع من أمها كيف يحصل اللى بتجول عليه ده يابوى
ألتفت إليه والده وقد تملكه الكثير من الڠضب وأصبح وجه كأنه شيطان فر من أعماق الچحيم الان وصفعه صفعه شديدة على وجه ألقت به على الارض وهو يصيح به
انت بتجول لمين أنت خرفت يا ياسين إنى الضبع وانت ولد الضبع وعيلة الضبع متخرفش واصل حتى لو العجز أكل من جتتنا أكل البت دى أنا فضلت سنين طوال بحلم باليوم اللى تتولد فيه مكانش بيغمض ليا جفن من كتر مكنت مستنيها تتولد واهى اتولدت بعد مكنت بجول ان المهدى مش راح يخلف فى يوم من الايام أهى مرته خلفت والبت دى هى أملنا الوحيد عشان تتفك لعنتنا اللى لعڼا بيها المهدى سنين طوال
نهض ياسين وهو يضع يده على وجه وقد كان شديد الاحمرار من اثر لطمة والده له ولم يكن وجه فقط الذي يبدو شديد الاحمرار فقد كانت مقلتيه ايضا شديتا الاحمرار كانهما اتون ملتهب وبصوت شديد الڠضب كان يصيح
انت بتضروبنى يا بوى
نظر الضبع لابنه ياسين نظرة خاوية وقد كان وجه لايحمل اى تعابير حينها ادرك ياسين ان والده لن يتراجع عن قراره قط وانه قد قضى الامر
استدار الضبع وتحدث لياسين دون ان ينظر للخلف
اعمل حسابك كتب كتابك عليها الليله