عمله معدنيه

قبل عشر سنين لقيت عمله معدنيه مدفونه فى التراب وانا بلعب فى الشارع قدام البيت كنت فاكرها عمله معدنيه لكن لما مسكتها لقيت شكلها غريب خدتها على البيت وركنتها على الرف وعدت الايام والسنين ونستها لما عمرى وصل ١٩ سنه توفى جدى وكنا بننقل الأغراض من غرفته وبالصدفه العمله المعدنيه سقطت على الأرض مسكتها وبصيت عليها وافتكرت ايام زمان لما لقيتها فى الشارع فيه حاجه غريبه شدتنى لشكلها ونقوشها عشان كده نضفتها وغسلت الصداء إلى فيها بالغاز لحد ما لمعت كان مرسوم عليها حجات غريبه وجميله زهره وبنت صغيره جدا وأشكال تانيه معرفتهاش كانت منقوشه بدقه مزهله تخليك تسرح فى جمالها وخدتها معايا غرفة نومى وركنتها على الطاوله جنبى انا بصحى متأخر عشان كده دايما اختى الصغيره بتدخل غرفتى عشان تصحينى وكمان تلعب معايا شويه اختى بتعمل ضجه كبيره لما بتدخل لكن اليوم دا ان فقت من النوم لوحدى اختى الصغيره كانت واقفه جنب سريرى بتبص على العمله المعدنيه

بتركيز وشرود بهزر معاها بقلها ايه يا كوكى اول مره تدخلى غرفتى من غير ما تعملى زيطه او احس بيكى طبعا لسه داخله
كوكى قالت انا هنا من وقت طويل من اكتر من ساعه
فتحت عنيه باستنكار بطلى هزار يا كوكى انت واقفه جنب سريرى من ساعه من غير ما تعملى اى صوت مستحيل
كوكى قالت كنت ببص على البنت الصغيره!
بنت مين سألتها وانا بتلفت جنبى
كوكى قالت البنت إلى فى العمله المعدنيه كانت بترقص رقص حلو اوى
مش عارفه بتعمل كده ازاى
بتعمل ايه يا كوكى
بتطير فى الجو يا سمسم وبعد كده ترجع مكانها والزهره دي كانت خضره كأنها حقيقيه
ممممم خدت كوكى فى حضنى انتى بقيتى مؤلفة قصص بارعه يا كوكى انا بفكر اعملك روايه لقصص الأطفال
كوكى زعلت وحسيت انها هتدمع كوكى مش بتعرف تكدب وكمان ملامح وشها مكنتش بتهزر
اتعدلت كده وبصيت على العمله النحاسيه بس يا كوكى زى ما أنتى شايفه مفيش حاجه بتتحرك فى العمله
كوكى اصل هى وقفت لما انت صحيت وبطلت ترقص
سمعت صړاخ والدتى بره الغرفه ...............
مش كفايه ساعه لعب. انا حضرت الفطار اكتر من مره
كلمة ساعة رنت فى ودنى وخلتنى انهض وأطلع اقعد على الطبليه وكوكى اتأخرت شويه
سألت امى هو كوكى كانت فى غرفتى ساعه كامله
والدتى بصتلى وقالت ما انت مش بتبطل لعب معاها هعمل ايه يعنى
حسيت بالقلق وناديت على كوكى كيان مجرد طفله انا معرفش إلى حصل معاها وهم ولا حقيقه وصلت كوكى راكضه قعدت معانا واكلت اكل كتير نفسها كانت مفتوحه ومبسوطه كنت عمال ابصلها واسأل نفسى البت دى مالها
خلصنا أكل ودخلت غرفتى وقفلت الباب على نفسى كيان طرقت الباب كانت عايزه تدخل اتحججت بالمذاكره وضعت القطعه المعدنيه فى يدى مجرد قطعة نحاس منقوشه فتحت شبكة الإنترنت وقعدت ابحث عن المعادن النادره والعملات المفقوده بحثت بأكتر من كلمه وطريقه مكنش فيه اى حاجه عنها الكلام المكتوب على العمله بلغه مش معروفه بالنسبه ليا وحاولت اعرف اللغه ايه! فرعونى ولا رومانى ولا حتى لغه منقرضه كانت النتيجه صفر.
قعدت ابص على العمله المعدنيه ونقوشها الدقيقه البنت الصغيره والورده النجوم والقمر الأحمر رسمة طفله صغيره جدا احترت ازاى اتنقشت بالمهاره دي
اخدت العمله معايا وانا نازل الجامعه ودخلت على دكتور تاريخ فى كلية الآداب قلت يمكن يفدنى
الدكتور درس العمله قدامى واخبرنى انه عمره ما شاف عمله زى كده استبعد انها تكون عمله نقديه
دى ممكن
 

 

تكون تميمه نادره او رمز لقبيلة منقرضه او ممكله هالكه او شعار معبد او حتى كنيسه
بعد كده بص فيها تانى الصراحه معتقدش انها تخص كنيسه او معبد الرسومات دى اكيد ليها معنى
طيب واللغه يا دكتور قال مش عارف مفيش لغه اعرفها زى كده لا يونانى ولا رومانى ولا حتى سريانى

الصراحه شعرت بحيره كبيره وقبل ما اخرج من غرفة الدكتور نصحنى اعرضها على دكتور آثار متأخره فى الحضارات القديمه
القصه بقلم اسماعيل موسى 
مكنش عندى وقت يدوبك خلصت محاضارتى وروحت على البيت
الساعه كانت عشره بالليل والدتى كانت نايمه وكيان كانت نايمه العشا كان على الطاوله اكلت وشلت الأطباق ومشيت ادخل غرفتى
وقفت على باب الغرفه مشدوه الغرفه كانت مقلوبه السرير والمكتب والادراج وكل حاجه
خبطت على غرفة والدتى وسألتها قالت كيان كانت بتعلب جوه غرفتك
كيان قعدت اضحك دخلت اوضة كيان ونمت جنبها
انتى با بت ما مفعوصه كنتى بتعملى ايه فى اوضتى
بنعاس قالت كنت بدور على صحبتى
صحبتك مين يا كيان
البنت الصغيره إلى مرسومه على العمله أصلها بترقص حلو اوى كنت عايزه اتفرج عليها
انتى بقالك صحاب غيرى يا كوكى
ايوه يا سمسم ومن فضلك سبنى عشان لسه كانت جيانى فى الحلم
خرجت من غرفة كيان البنت شكلها هتتجنن بالرسمه قررت انى مش هخلى كيان تشوف العمله تانى عشان متتعلقش بيها
ودخلت نمت
بعد يومين كنت غايب فيهم عن الجامعه اول ما وصلت لقيت المدرج مقلوب عليه
فيه يا جدعان
دكتور محى بتاع آداب سأل عليك اكتر من مره
خلصت المحاضره وروحت على مكتب دكتور محى قالى انت فين يا راجل انا قلبت عليك الدنيا
دا دكتور مدحت زميلى انا حكتله عن العمله إلى معاك ومهتم جدا انه يشوفها
طلعت العمله إلى مش عارف ازاى وصلت جيبي وحطتها على المكتب
دكتور مدحت بص على العمله وعاينها من غير ما يمسكها دى مش نقود ولا تخص اى واحده من الحضارات القديمه الاغريق الرومان الفينقين البطالمه الاشورين الفراعنه الإنكا النقش دا عتيق مختلف وغريب السؤال ازاى العمله او القطعه المعدنيه دى وصلت عندك
حكتله إلى حصل معايا زمان لكن الغريب ان ذكرت تفصيله كنت ناسيها من زمان قبل ما الاقى العمله كان فيه راجل شكله غريب عدا من جنبى بص عليه ومشى الدكتور مدحت سكت شويه وقال انا الصراحه مش هقدر افيدك وسبنا ومشى شكرت دكتور محى وخرجت لقيت دكتور مدحت منتظرنى بره نده عليا روحلته قال اسمع انا مقدرتش اقول الكلام دا جوه قدام دكتور محى محدش يقدر يعرف اصل القطعه المعدنيه دى غير شخص شغال فى الآثار او خبير يعنى انا اعرف واحد خبير فى الآثار القديمه لكنه مسافر دلوقتى كتبلى اسمه ورقم تليفونه ونصحنى اتواصل مع خبير الآثار ده
كنت اكتفيت من كل إلى حصل الصراحه الموضوع خد اكتر من حجمه وقررت انسى ا للموضوع لكن حلم الثراء السريع راودنى مش ممكن تكون القطعه دى تمنها غالى وابيعها
دى لو قطعه اثريه هتخلينى مليونير وسرحت أفكارى لبعيد اوى احلام شاب بسيط فقير ومعدم
تليفون خبير الآثار كان مقفول لاكتر من اسبوع لحد ما فقدت الأمل انه يرد عليه
خلال الأسبوع ده كوكى فتشت غرفتى اكتر من مره البنت كانت عامله زى المدمنه بتدور على قطعة المعدن والله كنت بحس انها اهم حاجه عندها فى الحياه كوكى بقيت منعزله بصوره غريبه وبتنام بدرى وتقفل غرفتها بطلت تلعب معايا زى زمان وكانت حجتها انها بتلعب مع صديقتها طيب ليه يا ست كوكى 
بتقلبى غرفتى كل
 

 

يوم ظهرا على عقب
كوكى قالت مش كل يوم هو يوم واحد لانى صديقتى كانت زعلانه منى لانى مدورتش عليها
طيب وبعد كده حصل ايه يا ست كوكى ليه بطلتى تدورى عليها
مفيش حاجه حصلت هدور عليها ليه وهى كل ليله نايمه معايا!
نهار اسود نايمه معاكى ازاى
بنلعب مع بعض لحد ما نتعب بعد كده بتتنام فى حضنى
كلام كوكى مكنش سهل عليا ابدا البنت ممكن تصاب بمرض نفسى وتهيأت
كلام كوكى قلقنى جدا للدرجه إلى خلتنى استناها تنام واراقب غرفتها
قربت على باب غرفت كوكى بصيت من ثقب الباب
كانت قاعده على الأرض جنب السرير فى ايدها عمله معدنيه بتلعب بيها مقدرتش اتحقق من شكل العمله لأنها كانت بعيده واعتقدت ان كوكى جابت اى قطعة معدن تلعب بيها تعوضها عن القطعه إلى فى جيبى
وضعت ايدى فى جيبى ارتطمت بقطعة المعدن إلى بقت مش بتفارقنى ابدا كوكى كانت مبسوطه جدا وبتضحك وبتتكلم حطيت ايدى على بقى البت بقت متوحده ولا ايه
فجأه كوكى توقفت عن الكلام وبصت ناحيت الباب وظلت ناظره على ثقب الباب كأنها ترانى بعد كده كوكى طلعت على السرير وشدت الغطاء عليها إلى منتصفها واغمضت عينيها والنور انطفاء.
جسمى اتنفض رعشه قويه سرحت على عمودى الفقرى ازاى النور انطفى فى غرفة كوكى
فتحت الباب بسرعه وولعت النور كوكى كوكى انتى نايمه
كوكى مردتش عليا
انا عارف انك صاحيه يا كوكى!!
كوكى بصوت ضعيف انا زعلانه منك
بقلم الكاتب إسماعيل موسى
طلعت على السرير ونمت جنب كوكى وانا خاېف الصراحه زعلانه ليه يا كوكى
كوكى بصوت نعسان عشان انت عايز تتخلص من صديقتى
صديقتك مين يا كوكى
يوه تانى صديقتى إلى على قطعة المعدن
اتخلص منها ازاى بقا يا ست كوكى
قالت كوكى بصوت واهن زعلان مش انت عايز تبيعها
جسمى وقف من الصدمه والخۏف مين قالك كده يا كوكى
صحبتى قالتلى وكانت زعلانه انت ليه عايز تتخلص منها
على فكره هى حذرتنى وقالت ان بعدها عنى فيه خطړ عليا
كان لازم اخدها على قد عقلها سألتها خطړ ازاى
خطړ عليا انا يعنى
كوكى قالت لا انت مش فاهم حاجه خطړ عليا انا صديقتى قالت لو اخوكى باع العمله مش هيشوفك تانى ولو كان بيحبك متخليهوش يبيعنى عشان مصلحتك
كوكى متعرفش انى هبيع العمله انا متكلمتش قدامها ولا قدام اى شخص متخفيش يا روحى محدش يقدر يعملك حاجه
القصه بقلم اسماعيل موسى 
كوكى بصت عليا اسكت يا سمسم انت مش عارف حاجه
لو كنت بتحبنى متتخلاش عن العمله خليها معانا هنا فى البيت انا مش عايزه اموت يا سمسم
اتلخبطت الكلام إلى بتقوله كوكى أكبر من سنها كلام حزين خلى قلبى ينقبض لسانى مكنش عارف يقول ايه من اول النور ما قطع لحد الكلام المرعب إلى بتقوله كوكى خلانى مش على بعضى
انت عارفه انى بحبك يا كوكى وعمرى ما هسمح لأى حاجه تزعلك او تعملك حاجه
كوكى اديتنى ضهرها لو بتحبنى وخاېف عليا ارجوك ادينى العمله تخلى عن أفكارك بالتخلص منها وسيبها معايا
والله هى مش مؤذيه الطفله دى اتعذبت كتير اووى ومش عايزانى اتعذب زيها
فضلت قاعد مع كوكى لحد ما نامت كلام كوكى رعبنى لما روحت غرفتى طلعت القطعه المعدنيه وقعدت ابص عليها بتركيز فيه سر فى قطعة المعدن الرخيصه دى
وضعتها امام عينى وظللت احملق فيها متخيل ان الطفله ممكن تخرج منها فى اى لحظه وترقص قدامى ونمت وقطعة المعدن فى ايدى.
غسلت ايدى كويس وقررت اتخلص من قطعة المعدن لا فلوس ولا يحزنون هرميها فى المصرف او فى الزرع وخلاص
تناولت
 

 

طعام إفطارى مع والدتى وكوكى إلى كانت بترمقنى بنظرات غريبه وحزينه عندما عدت لغرفتى كان فيه اتصال وارد ورساله من خبير الآثار
كان بيسأل لو ممكن يقابلنى
اتصلت بالراجل وحددت معاه ميعاد كنت عايز اعرف قصة العمله دى ايه بأى طريقه واخلص منها.
كان رجل غريب نحيل ولأول وهله تشعر انه محتال لحيته كبيره وعيونه غائره مثل زر مفقود فى لوحة كيب ورد
رحب بى بطريقه ودوده وطلب يشوف القطعه المعدنيه
كنا قاعدين على قهوه طلعت قطعة المعدن ووضعتها على طاوله قذره لم تنظف منذ شهرين
بص خبير الآثار على العمله بتركيز وإعجاب رأيت شفاهه تقراء فى صمت بتمتمه مريبه محاولش يطمنى بأى كلمه
دى مفتاح قال الخبير وهو بيحط العمله فى ايده مفتاح سحرى للمقاپر القديمه القطعه دى ممكن تفتح اى مقبره مهما كان تاريخها فرعونى رومانى اشورى كل المطلوب منك فعله تحطها قدام باب المقبره وهتنفتح من غير بخور ولا سحر انت معاك اخت صغيره
السؤال كان مفاجيء وخضنى قلت بارتباك ايوه
عشان كده التميمه اخترتك
مش فاهم قلت!
انت ممكن تكسب من ورا التميمه دى ملاين كتيره لكن هتدفع التمن
القصه بقلم اسماعيل موسى 
تمن ايه سألته
قعد يتكلم فى كلام مش مفهوم ونصحنى اتخلص من التميمه بسرعه صدقنى يا ابنى إلى جاى مش هيكون سهل
تخلص من التميمه تركنى الخبير ورحل
تركت المقهى المتهالك تحت نظرات حالمه ومتربصه من النادل المغتر بمظهرى الأنيق إن كان بى ميزه واحده عندما اتأنق تكاد تشعر اننى ابن ناس.
وصلت المنزل بجسد متراخى وعقل يطن مثل الطاحونه
اعرف ما على فعله التخلص من التميمه
جلست فى الشرفه ادخن سېجاره رخيصه لقد بدأت الټدخين منذ العام الأول من الجامعه
والدتى تعرف اننى ادخن لكنها تنكر كل ذلك لازالت محتفظه بالصوره المثاليه لطفلها الذى كانت تغير حفاظاته كل نصف ساعه لانه كان مصاپ بالإسهال فى صغره
كان الشارع خالى من الماره وكان كل ما على فعله القاء التميمه ومراقبت اى طفل شقى سيعثر عليها
لاحظت وجود شخصين تحت جدار منزلنا كانا يتحدثان بصوت هامس وينظران تجاه شرفة منزلنا ذات الطلاء اللبنى
كانت حركتهم متردده وبدا ان هناك جدال يسرى بينهم
حدقت بكلاهما
أحدهما يمتلك بنيه ضعيفه جدآ وملامحه تدل على الخبث واللؤم
الاخر كان ملتحي لكنه ليس متدين فأنا اعرف أئمة المساجد من اول وهله كان هناك شيء غريب فى مظهره ولاحظت اوعجاج فى وقفته
لمحنى الانحل بينهم ابتسم ولوح لى بيده نحن نريدك انت
لم نحضر لاستأجار المنزل
دهست عقب السېجاره واخفيت التميمه فى جيب بنطالى
ماذا يريدون سألت نفسى
فى الشارع رحبت بهم ودعوتهم لمنزلى لكنهم اعترضو
نحن لم نأتى هنا من أجل الضيافه تمتلك شيء نريده
قلت انا لا اعرفكم ولا اتذكر اننى رأيتكم صدفه حتى فى لوحة رسم!!
ضحكا كلاهما اجل نعرف لاكون واضح انت تمتلك تميمه اسطوريه نحن نحتاجها
قلت كيف تحتاجونها
قال سندفع مقابلها حدد سعرك
احب رائحة النقود وشكلها وسيرتها
لماذا تريدونها انها مجرد قطعة معدن رخيصه!!
اسمح لى لدينا اسبابنا الخاصه كل ما عليك فعله ان تذكر رقم سندفعه لك
خشيت ان انطق رقم يكون أقل مما تستحق التميمه خبير الآثار قال هذه التمميه خرافيه تستطيع أن تفتح اى مقبره
والمقبره فى العاده تكون ممتلئه بالاثار والذهب
كان الرجل الملتحى يراقبني فى صمت حتى اللحظه وادرك ما افكر به
قال حسنآ انت
تعرف ان هذه التمميه تفتح اى مقبره قديمه اليس كذلك
قلت اجل
قال ما لا تعرفه ان التميمه تفتح مقبره واحده قبل أن تحتاج لإعادة تهيئه اظن انك ترغب بمشاركتنا
قلت اجل
قال حسنا سنقتسم المقبره بيننا النقود كثيره ولا
 

 

داعى للقلق
قلبك مېت
قلت بلا تردد اجل
قال جيد
المقبره فى منطقة الاقصر فى وادى الملوك إلى جوار معبد حتشبثوت ستحضر انت واختك معنا
قلت بقلق اختى
قال نعم التميمه مرتبطه بأختك ولن تعمل دونها الأمر لن يحتاج أكثر من ساعه التميمه تعرف طريقها مثل البوصله
مستحيل صړخت كوكى لن تغادر منزلنا ابدا
رمقنى الرجل بنظره متمعنه انظر لما يمكنك فعله بكل النقود التى ستجنيها
ستصبح من أغنى اغنياء بلدتك شتوفر لنفسك وأهلك حياه لائقه مريحه
مره اخرى قلت مستحيل
قال الرجل بصرامه الصفقه صفقه تقبل كلها او تترك كلها
ليس لدينا وقت سنتحرك فى المساء كن بأنتظارنا هنا مع اختك يمكنك أن تضع لها منوم ولن تفيق الا بعد أن نفتح المقبره وتأخذ حقك
رجعت على البيت دماغى متشتته صوت بيقلى كنت خدت شوية فلوس وريحت دماغك وصوت بيقول مقبره آثار خبطه واحده هتخليك غنى وتعيش امك واختك حياه جديده مفيهاش فقر شفت كوكى بتلعب بسعاده بعروستها من ايام وكوكى واخده جانب منى غير مهتمه إطلاقآ باللعب معايا ووجدت سعادتها فى غرفتها مع اوهامها كانت كوكى بتلعب وهى بتبص عليا وانا محرج منها لانى لحد اللحظه مقدرتش افهم التخاريف إلى بتتكلم عليها وقدرت اقنعها ان كل إلى بتشوفه وهم وخيال.
سبت الصاله ودخلت غرفتى لو كنت هاخد كوكى معايا لازم الاقى سبب يقنع والدتى ويخليها متقلقش علينا
قعدت افكر اعمل ايه لحد ما لقيت الحل فيه فرح لواحد صديقى بكره مكنتش ناوى احضره اصلا هاخد كوكى معايا بحجة حضور الفرح وبالمره اقولها اننا هنبات هناك ونرجع تانى يوم الصبح
لما خرجت من الغرفه كوكى مكنتش موجوده ودا كان احسن اتكلمت مع والدتى عن الفرح والدتى وافقت مكنش فيه سبب يدفعها للشك فى نواياى
وان والله غرضى خير وافدى كوكى بروحى
عشت ليله تعيسه كئيبه مليانه بأحلام وكوابيس بشعه لحد ما صحيت الساعه عشره وصلنى اتصال بيأكد على الميعاد
وكان فاضل قدامى الموضوع الأصعب اقناع كوكى تحضر معايا الفرح
لكن كوكى زى اى طفله لما كلمتها عن الطبل والمزمار المراجيح والحلويات وافقت وراحت تلبس فستانها الجديد لأنها بتبقى حلوه فيه
غيرت هدومى وانتظرت كوكى لحد ما جهزت خرجت كوكى من غرفتها فرحانه بعد كده وشها اتغير وبصت فيا مده طويله وهى ساكته كأنها بتسمع حاجه مش سامعها
قولتلها يلا بينا يا كوكى هنتأخر
كوكى قالتانا زعلت انا وصاحبتى بسببك
سألتها ليه يا كوكى
كوكى قالت اصل صاحبتى مش عايزانى اروح معاك المشوار ده وبتقول انك بتكدب
انا زعلت منها لانك عمرك ما كدبت عليا وانا بثق فيك
جسمى كله اضطرب من كلام كوكى بدأت احس فعلا ان الطفله فى التميمه حقيقيه ويمكن روح بتعرف المستقبل
لكن حلم الثراء كان عامينى
شلت كوكى على كتفى ونزلنا السلم اشترلتها بسكوت وحلويات ولعبه جديده وركبنا تاكسى لحد ما وصلنا العربيه إلى منتظرانا
ركبنا فى العربيه إلى هتوصلنا الفرح زى ما قولت لكوكى
كوكى كانت قاعده ساكته وبتبص من الشباك على الناس فى الشارع
تركنا القاهره وبدأت الحقول تظهر وكوكى بتابع كل حاجه بصمت محزن
هو احنا مقربناش نوصل الفرح يا سمسم الليل جه اهو ومش شايفه لا طبل ولا زمر ولا ناس
قولتلها قربنا نوصل يا كوكى نامى وانا هصحيكى
نامت كوكى فى العربيه فضلت ماشيه بكامل سرعتها لحد ما وصلنا الاقصر.
ركبنا مركب شراعيه نقلتنا الضفه التانيه
بعد أن عبرنا النهر رسى المركب فى درب ممهد لكن ليس ميناء كان بعيد عن الصخب
انا مش شايفه فرح ولا ناس
بصت كوكى على الرجلين إلى معايا وهمست فى ودنى الناس
 

 

دول شرانيين يلا بينا نرجع انا عارفه انت هتعمل ايه!
عارفه ايه يا كوكى
احنا رايحين مقبره فرعونيه
ضغطت على ايد كوكى انتى عرفتى ازاى يا كوكى
صاحبتى كانت نايمه معايا فى الحلم وقلتلى كل حاجه
ليه مسمعتش كلامى يا سمسم فيه حاجه وحشه هتحصل
انت كدبت عليا ليه
انا وثقت فيك
كلام كوكى خلانى أترعب اكتر كوكى صديقتك قالتلك ايه بالضبط
قالت ان الناس دول خاينين وان اخوكى كدب عليكى وان فيه حاجه وحشه اوى هتحصل
وقفت فى مكانى مش معقول دا يكون تخاريف محدش يعرف اننا رايحين 
المركب كانت لسه على البر قلت للناس إلى معايا انا مش هكمل هرجع تانى
بصلى النحيف انت فاكرنا بنلعب يا استاذ
وخرج مسډس من جيبه امشى من سكات
كلام كوكى كان صح انا ورطت نفسى وكوكى معايا
طلعت التميمه من جيبى قلتله خد التميمه انا مش عايزها وسبنى اروح انا واختى
ضحك الشاب خد التميمه حطها فى جيبه خليك انت هنا لكن اختك هتيجى معانا احنا محتاجين اضحيه
فتحت بقى اعترض بصړاخ صوب المسډس على دماغى
حط ايديك ورا ضهرك كتفه يا عوض
ظهر راجل اسمر من ورا الصخور كتفنى بحبل
صړخت كوكى معترضه لكن الشاب بصلها بصه مرعبه لو مسمعتيش الكلام هخلى الراجل يرمى اخوكى فى البحر
مشيو وسبونى متكتف ڠصب عنى قعدت أبكى أبكى على نفسى وعلى اختى إلى ضيعتها
لما وصلو المقبره كان فيه ناس كتير منتظراهم فوق الوادى
كان فيه كشافات وبكر رفع وسلم خشبى
اخرج الشاب التميمه ووضعها فوق الصخور تحركت التميمه كأن بها محرك داخلى
سار الناس خلف التميه لحد ما توقفت فى تلك اللحظه أمر الشاب احفرو هنا
بداء الرجال يحفرون بالمعاول ويزيحون الرمال
الشاب للراجل إلى معاه __ انت عارف اننا مش ممكن نسيب الواد ده حى احنا هندبح اخته ونستعين پدمها فى فتح المقبره التميمه مش هتشتغل من غير ضحيه بديله
الراجل إلى فى رجله عرج اعمل الازم المهم المقبره تنفتح
الناس مستعجلين العربيات إلى هتنقل الآثار جاهزه والفلوس جاهزه
بعد تلت أمتار صړخ واحد من العمال باب المقبره ظهر
وزى ما كان متوقع محدش قدر يفتح باب المقبره المسحور
صړخ الشاب النحيل هاتو الطفله مفيش وقت
جرو كوكى إلى عماله تصرخ وصوتها واصل لحد اخوها المتكتف وعمال يعيط
اخوها إلى كان الندم بياكله على تورطه مع تجار الآثار
صړخ اسماعيل اختى اختى كوكى
ردت عليه كوكى بصړاخ وعياط يقطع القلب حاول اسماعيل ان يتخلص من قيوده ان يدفع حارسه فى النهر وكاد ان ينجح لكن الحارس لحق نفسه فى اخر لحظه
الحارس من غيظه دفع اسماعيل ليسقط داخل النهر
وضع الشاب عنق كوكى على التميمه وثبتها كويس

شاهد الناس دخان يتطاير مثل طيف صغير يخرج من التميمه وخرج طيف من جسد كوكى ليندمج مع التيمه المعدنيه مجرد لحظات وكانت صورة كوكى محفوره داخل التميمه مكان صورة الطفله السابقه التى اختفت
انفتح باب المقبره ونزل العاملين داخلها بواسطة السلم الخشبى
دهب كتير آثار ذئبق احمر تماثيل فرعونيه