روايات بقلم يارا رشدي
علي وحنتيها ..
الجميع حياته تسير ماعدا هي حتي فادي سيتزوج الفتاه التي يحبها كما اخبرها حازم من قبل ..
جميعهم حياتهم تسير اما هي تقف في مكانها كما هي لا يوجد اي شئ يحدث في حياتها ..
نيره
قالها بلهفه واضحه وهو يهبط من السياره لتقول نيره وهي تمحو دموعها
انت واقف هنا بتعمل ايه !!
يا شيخه حرام عليكي ايه مبتخرجيش خالص كل يوم اجي اقف ساعتين اقول يمكن تخرج تبص من بلكونه اي حاجه وانتي ولا هنا حتي الفيس عملتيلي بلوك هو طلب الصداقه بتاعي ضايقك
وضع يديه في جيب بنطاله وهو يقول
ابدا كنت عايز اتكلم معاكي ونتعرف اكتر علي بعض
اااه نتعرف علي بعض وشويه وتقولي بحبك يا نيره ومش قادر اعيش من غيرك وتاخد حقك من ريم علي قفايا
بحبك ايه وحقي ايه الي اخده منك انتي بتسمعي افلام عربي كتير ولا ايه !
ما هو اسمع بقي انا معنديش حاجه اخسرها كل حاجه خسرتها حقك من ريم خده منها ملكش دعوه بيا انا مش مكتوب عليا احاسب علي مشاريب غيري حرام عليكم والله حرام عليكم
ياالله في ايه يا نيره انا والله كنت عايز نكمل كلامنا عادي انتي مش قبل ما تنزلي قولتيلي فرصه سعيده انك عرفتيني يعني بقينا صحاب
اخرج المناشف الورقيه من جيب بنطاله وناولها اياها وهو يقول
انا اسف اسف مكنتش اعرف انك هتحسبيها كده واني عايز انتقم منك في ريم مش عارف انتي دماغك بتفكر ازاي اصلا بس انا مش عيل علشان اخدك بذنب اختك وافكر انتقم منك بسببها .. واساسا ريم طلعت من حياتي اول ما اتجوزت اكيد يعني مش هفكر ولا هحب واحده متجوزه واسف مره تانيه خدي المناديل
همشي انا بقي وياريت متزعليش مني
استدار سليم لامام واتجهه الي سيارته لتقول نيره
انا عايزه اكل السندوتشات الي جبتهالي قبل كده بس مش فاكره المطعم فين واياك تفكر تحطلي منوم
ضحك وهو يلتفت اليها قائلا
ياادي دماغك دي
وها هي تقوم بتناول الطعام وحسام بجانبها يتناول هو الاخر ويقول
الي بينزل حاجه علي فيس بتاعه بينزلها علشان صحابه وقرايبه واهله يشوفوها ويعلقوا وهو يرد عليهم اما انا معنديش حد لا قرايب ولا اهل ولا صحاب انسانه كده عايشه لوحدها في كل حاجه علي سوشيال ميديا وعلي الواقع
كانت كويسه بس دلوقتي مليش علاقه غير بعمو وطنط لكن هما لا
والسبب يعني
تنهدت وهي تترك طعامها
كل واحد فينا باصص لتاني بتفكيره هو انا شايفهم دمروا حياتي وهما شايفين اني انا الي عملت كده في نفسي
طب ما تكسبي فيا ثواب وتسيبك من الالغاز الي بتكلميني بيها دي وفهميني
لو عرفت مش هتخليني قاعده في عربيتك ثانيه واحده
لا احكي ومټخافيش هخليكي في العربيه
نظرت طويلآ الي حسام وهي تفكر فيما تفعله هل هي ترتكب خطاء اخر مثل ما فعلت مع حازم !!
انتهبت علي صوته وهو يقول
هيييه سرحتي فين
فهتفت
انا زمان اتعرفت علي واحد يعني كان صاحب فادي ابن عمي وطلب رقمي كنت صغيره في ثانويه عامه مفكرتش صح وفي الاخر طلع واحد بيتسلي قعد يلعب عليا بكلام الحب وخاېفه اكون بكرر نفس الغلطه دي دلوقتي بكلامي معاك وقعدتنا دي
فهم ما يدور في عقلها فهتف هو
انا مطلعتش مني اي كلمه بخصوص حب ولا اعجاب علشان تفكري فيا كده
ممكن تكون ناوي تطلعه قدام عادي يعني
حرك راسه بنفي وهو يقول
لا مش ناوي مټخافيش ولو طلع مني في يوم كلام بتاع حب هيكون من قلبي بجد مش تسليه وفي نفس اليوم هكون طالب ايدك من عمك ده لووو لوو يعني
صړخت به وهي تعتدل في جلستها
اهو شوفت نفس كلام حازم هطلب ايدك من عمك وبكره هتلاقيني عندك بطلب ايدك وفي ايدي بوكيه ورد نفس الكلام بحذفيرو حذفوره حذفوره يعني ناوي تاخد حقك من ريم فيا!!!
يالهووي عليا وعلي
