احببت فاقد الذاكره للكاتبة يارا عبد السلام

يا عمو انا عاوز اشوف المزه بتاعتك
_مزه بتاعتي
_اه اللي انت كنت بتتكلم عليها مع بابا
_اها بس مش دلوقتي في مرة هبقى أعزمها هنا وتشوفها
_حاضر
_تعالي بقى نطلع وانت يا يحيي اطلع ارتاح في اوضتك يا حبيبي
يحيي طلع ودخل أوضته اول لما دخل الأوضه حس پألم في صدره وۏجع كأنه بيستعيد زكريات الماضي وبيفتكر ايام الحب والاخلاص والرومانسيه اللي عاشها في كل ركن في الأوضه دي مع حبيبته نور صورها اللي ماليه الأوضه كفيله انها تعيد زكرياتها قد اي كنتي جميله يا نور الله يرحمك يا حبيبتي مسك صورة ليها وبدأ يتكلم
كنت طول عمري مش بتعامل مع حد ولا بكلم حد وقاسې وطبعي وحش جيتي انتي نورتي حياتي خليتي قلبي يحب يحبك انتي يا نور خليتي لحياتي معني عرفت معني الحب علي ايدك كل زكرياتنا شريط قدامي عمرك مخرجتي برا قلبي ولا عقلي طول عمرك محتله كل كياني حتى وانتي بعيده عني نور انا وحشتني كوبايه السحلب اللي كنا بنشربها سوا في أيام الشتا ووحشني حضنك وانتي بتستخبي فيا وتقولي دفيني عمر محد عرف يحرك قلبي غيرك ولا عمري حبيبت حد غيرك .

كريم ابننا بقى نسخه منك بعفويته واللي في قلبه علي لسانه والصراحة والقلب الطيب الحنين اللي ورثه منك اتمني ترجعيلي يا نور الله يرحمك يا حبيبتي..
ساب الصوره ودخل يبدل لبسه وخرج ونام عالسرير وافتكر المخده دي قد اي نور كانت بتحبها وكانو بيتخانقوا مين هياخدها ينام عليها وابتسم
_وحشتيني يا نور
ثم ذهب في سبات عميق
_بتعملي اي
_بسم الله الرحمن الرحيم
خضتني يا احمد انا لو قطعت الخلف هيبقى بسببك
_بعد الشړ يا حبيبتي ها بتعملي اي
_بعمل مكرونه بالبشاميل
_حته واحده بس دي مش صحيه خالص
_ها مش صحيه ازاي يا ابني دي فيها كل العناصر الغذائية من سمنه ودقيق ولبن وبيض ومكرونه ولحمه شوفت متغرقه عناصر غذائية
_اي هوا الدقيق صحي ولا المكرونه وبعدين احنا كمصررين عندنا حاجات غريبه في الاكل زي المحشي والكشري والبيشاميل دا اللي بيخلي ستات مصر مقلوظه
_مش عاجبك يا سى احمد اشتري من برا
_مقدرش انا وقعت خلاص وبعدين الست اي غير قلوظه وأنها تكون بطايه كدا في نفسها
_قصدك شيمااااااااء
_اي!
_اي دا انت مسمعتش الاغنيه بتاعت شيماء والبطه تصور طول الاغنيه يغني يقول شيماء ويا خاينه وتطلع بطه في الاخر هههههههههه
_مش فاهم
_امممم انت شكلك يا احمد بتاع صباح الخير يا زوجتي العزيزه لا انا عوزاك تعرف ميمز كدا وتمشي معايا عالخط
_لا طبعا انا متابع بس الفتره الاخيره مش بفتح حاجه اصلا
_ايوا كدا تعجبني
_المهم هتغديني معاكي
_هتاكل بيشاميل
_امال مش هاكل معاكي وبعدين عاوز اعرف انتي بتعرفي تطبخي ولا لا ولا الحجه قبل متتوفي ادتني بضاعه بايظه
_طيب مش هتاكل معايا يا احمد وامشي من قدامي بكرهك
_من قلبك
_لا طبعا انا بحبك هوا مش باين عليا اني مدلوقه
_الصراحه باين اتقلي شويه يا بنتي مش كدا
_والنبي طيب
انا مخاصماك
وسابته وخرجت
_طيب عامل معاكي
_لا
_اهون عليكي
_لا
_هههههههه بحبك وانت متعصب يا جميل
_نينينينييي تعالي كل
_الله طعمها جميل كويس طلعتي شاطره في حاجه
_احمد
_بحبك
_وانا كمان
_اهو نايم ومتلقح جوا وابنه اللي اسموا كريم دا معصيني ولد لسانه طويل زي امه الله يجحمها مطرح مراحت
_معلش استحملي المهم انك تمشي عالخطه وهنخلص منهم كلهم قريب
_يارب بقى علشان انا روحي في مناخيري ومش طايقاهم
_بكرا يخلالنا الجو يا جميل
_امتى بقى يلا سلام
احسن انا حاسه اني متراقبه 
وقفلت السكه معاه
وخرجت ونزلت تحت
_اي يا يحيي نمت كويس يا حبيبي
_اه الحمد لله
_تعالي يا سلمي اقعدي
_اي في حاجه
_هوا انتي ليكي يد في الحاډثه اللي حصلت لاحمد.
_اي.
_اي اي انتي مفكره اني مسافر برا ومش عارف كل تحركاتك وعلاقتك بعماد انا سايبك هنا بمزاجي بس دا مش معناه اني معرفش عنك حاجه لا انا اعرف كل حاجه..
_محصلش يا يحيي والله دا كدب
وقامت تمشي 
_دا اكبر دليل انك كدابه انك بتتهربي
لي عملتي كدا يا سلمي مش دا احمد اللي كنتي بتحبيه تقريبا
واقفه ساكته ومتوتره ومش عارفه ترد
_ساكته يعني اخرسيتي القطه كلت لسانك انتي ناسيه اني كنت ظابط وعارف شكل المتهم والمجني عليه بيبقى عامل ازاي بس انتي للاسف اختى المتهمه وأحمد عارف وساكت ولسه مخليكي معاه ومخدش معاكي اي اجراء لانو بيعتبرك أخته اللي انتي للاسف نسيتي الاخوه دي
_انا
وفجاه ضربها بالقلم ومسكها من شعرها و
يتبع
الفصل الحادي عشر
_بتعمل اي يا يحيي ھتموت في ايدك
_سيبني يا احمد الكلبه دي عوزا تتربي من اول وجديد دي مجرمه
_سيبها بس ونتفاهم هي عملت اي
_والله انت بتسالني عملت اي متخلنيش اضربك معاها انت بعد اللي عملته دا كله بتدافع عنها كانت عوزا تقتلك ومخبي عليا
_اي انت عرفت منين
_انت مفكر اني نايم علي وداني علشان بعيد ومسافر انا نازل مخصوص علشان اقټلها واموتها لأنها حرام انها تعيش اصلا اللي تعمل كدا مع ابن عمها منتظر تعمل اي مع اخوها ها
_احم طيب ممكن تهدى يا يحيي ونتفاهم
_مش نتفاهم البت دي متخرجش من باب القصر تتحبس في اوضه ووقت ماحب اكلها اكلها وكذالك الشرب لازم تتربي بدل ما اقسم بالله هسجنها
سلمي اتكلمت.
_انت لي بتعمل كدا لي عاوز تحبسني انت دائما پتكرهني كدا محدش فيكو بيحبني
_مهو من عمايلك انك للاسف متتحبيش حتى خليتي الطفل الصغير يكرهك من حقدك يا يا عمتو
قام يحيي شدها من شعرها وجرها وطلع بيها عالسلم وأحمد بيحاول يبعده عنها وهوا ولا هنا وبعدين ډخلها اوضتها وقفل الباب بالمفتاح
_لي عملت كدا يا يحيي
_دا اللازم يتعمل معاها وكلمه زياده هتحصلها
وسابه ومشي
_ربنا يهدي
_عمو احمد
_نعم يا حبيبي
_هوا بابا كان بيزعق لي
_علشان عمتو زعلتو بس
_مش قولتلك أن عمتو دي وحشه انا مش بحبها واحسن انو حپسها
_يبني انت عندك كام سنه
_ما قولنا خمسه هي شغلانه
_اي شغلانه بتقول لعمك شغلانه
_خليك بيس يا عمو وكبر دماغك احنا في 2021 يعني الشهيصه وشيماء ودعاء ومقولكش بقى علي اسماء
_يخربيتك جبت الكلام دا منين
_من عاليوتيوب
_انا هاخد منك الفون لأنها وصلت بيك لشيماء يبقى اكيد انت لتتواصل مع يارا
_يارا مين
_الحته بتاعتي اقصد المزه يوووه اقصد مراتي يعم في اي
_اااه قولتلي حلوه
_اوووووي
_مزة يعني
_انت بس اللي اقول ياض
_عادي انا وانت واحد يا عمو
_لا دانت پتخاف منك امشي ياض من قدامي
_ماشي بس ابقى قابلني لو مشقطش يارا منك 
اي الواد دا وبعدين يشقط مين انا واثق أن يارا بتحبني ومش هتخوني مع الشبر ونص دا!!!
_يارا يارا يارا
_اي اي في اي بتزعق لي
_اصلك وحشتيني
بقولك اي متيجي نعمل الفرح بقى انا تعبت من القطاعي دا
_يا ساڤل
_طبعا
اه صحيح كنت عازمك عندنا في القصر علشان اعرفك علي يحيي وكريم
_بجد انت حكيتلهم عني
_طبعا حكيتلهم عنك انا مش بتكلم الا عليكي اصلا
_اها ماشي
_طيب يلا
_حاضر هلبس واجي
لبست وكنت فرحانه اوووي أن احمد فخور بيا قدام أهله وبصيت علي الصورة اللي في الأوضه بتاعتي اللي بتجمعني انا وبابا وماما الله يرحمهم قد اي كنت بحبهم وقد اي حياتي ملهاش طعم من غيرهم بس ربنا عوضني باحمد الحب الاول والاخير
_لسه ناقصلك كتير
اوووووووباااااا اي الجمال دا انتي رايحه عوزا تغريهم ولا اي
_امال