عشق القلوب

الي بلدها وتكره تلك الغربه التي عرضتها لكل هذا ايوه 
فيداعب هو ذلك الچرح الذي اخذ موضعا بجانب احد حاجبيه عايشه هنا لوحدك 
لتقف مريم فجأة بعد أن أغمضت عيناها بقوه عايشه مع صديقه ليا 
فيقف يوسف بدوره لتقول هي أنا مش عارفه اشكرك ازاي 
فيبتسم يوسف علي طريقة حديثها الذي اول مره يستشعره في انثي انتي بتعملي ايه هنا يا....
فتصمت مريم للحظات قائله وهي تكمل سيرها اسمي مريم . اما انا هنا ليه عشان اشتغل 
فيعود يوسف لسيره مرة اخري وهو يضع بكلتا أيديه في جيوب بنطاله الرياضي فتنظر هي الي تلك الحافله القادمه قائله بأمتنان انا هنا هقدر اكمل طريقي شكرا استاذ
فيبتسم يوسف ابتسامة بسيطه وهو يتطلع اليها مودعا اياها يوسف
ويقف يتأملها وهي تسير نحو الحافله البسيطه لعامة الشعب في تلك البلده ... فأغمض عيناه وهو يتنهد بنت غريبه اووي 
.....................
في داخل موطنا الحبيب بعيدا عن تلك الغربه !!
جلس أحمد يتطلع في هاتفه بتأفف وهو جالس بسيارته امام بناية خطيبته فنظر الي ساعته بضيق ..حتي وجدها تصعد السياره جانبه قائلة بدلع هتوديني فين بقي ياحبيبي 
فأبتسم أحمد بخبث وهو يميل نحوها كي يقبل أحد خديها اي مكان حبيبي يختاره 
وسار بسيارته السوداء الفارهه التي قد حصل عليها قسطا من ذلك البنك الذي يعمل به .. فحل الصمت بينهم قليلا قبل ان يقول هو هي بنت خالك سافرت كندا 
فيمتقع وجه أروي عندما ذكرها بتلك البغيضه التي تكرهها يادي ست مريم ديه 
فيلتف اليها أحمد بطرف عينيه قائلا وهي عايشه مع مين هناك انا اللي اعرفه ان خالك محسن سافر أمريكا وصفا كل تعاملته ورأس ماله في كندا 
فتصرخ به أروي قائله ايه يا احمد ما تراعي احساسي مش معقول اكون معاك وتفتكرلي ست مريم .. ولا انت من ساعة ماشوفتها أعجبت بيها 
فأوقف أحمد سيارته جانبا في احد الاماكن الهادئه والمظلمه قائلا ياحببتي انتي عارفه ان سؤالي مقصدش بي حاجه مجرد سؤال ياستي اوعي تتعصبي وتضيقي بقي ... لاحسن مفجأتي هلغيها
فتقترب منه أروي لتداعب بشړة خديه بأناملها قولي بقي يامودي هنروح فين 
فيبتسم أحمد للمسات أيديها وظل يتذكر أخاه البعيد وهو يحتضن النسوه التي تتهاتفن عليه حتي قربها منه أكثر نظرا اليها بقوه أروي انا هعمل حاجه بس متزعليش مني ماشي 
فنظرت اليها اروي قليلا وهي تحرك برأسها موافقة علي ماسيفعله وأغمضت عيناها عندما وجدت انفاسه تقترب منها حتي بدء يقبلها بقوة ... وابتعد عنها قليلا ليقول أروي انا عايزك تبقي كده 
لتفتح أروي عيناها ببطئ بعدما استعادت انفاسها التي هربت منها اللي هو ايه !
فتنهد أحمد قليلا قائلا اننا نعمل اي حاجه عايزين نعملها من غير ما نفكر في الناس ومجتمعنا بتفكيره العقيم والمتخلف يعني مافيهاش حاجه لما أمسك ايدك او احضنك او أبوسك زي ما بوستك او حتي يكون في بينا علاقه 
لتنظر اليه اروي طويلا وتضع بيدها علي شفتيها علاقه ...
فيكمل أحمد بحديثه قائلا وفيها ايه يا اروي ما الاجانب بيكون بينهم علاقات كتير قبل الجواز وعادي بيتجوزوا بعض .. احنا بس اللي مجتمع متخلف .. وكمان ياحببتي انا مش عايز اضيع لحظه واحده من عمرنا سوا قبل الجواز او بعده .. لازم نعيش حياتنا من غير عقد او تخلف 
لتحرك هي برأسها له تأكيدا علي كلامه قائله عندك حق ياحبيبي .. وتتذكر أمر مفاجأته غير عابئه بتلك القبلة المحرمه وذلك القرب .. او حتي هذه الكلمات التي ترخص منها بعد ان اكرمها الله وجعلها حورية غاليه ايه هي بقي المفاجأه يا حبيبي 
فيتأملها أحمد بخبث بعدما ألتقط احد أيديها ليقبلها هنروح الديسكو عشان نرقص 
لتضع أروي بيدها علي حجابها الملفوف علي صيحات الموضه وخصلات شعرها تخرج منه هنروح الديسكو بالحجاب عادي مش هيبقي منظري وحش 
فيضحك أحمد

ساخرا وهو يتأمل تفاصيل جسدها من تلك الملابس الملتصقه ده انتي كده اللي شكلك وحش ياحببتي 
فتتأمله أروي طويلا غير مدركه ما يقصده مش فاهمه انت تقصد ايه ياحبيبي 
فيميل احمد علي احد اذنيها بمووت فيكي ياحببتي 
فتتسلل كلمات ذلك الشرقي داخل أذنيها كما يتناثر الهواء .. وتصبح للدنيا عالم خاص بهم يحللون فيها الحړام وكأنه هو الحلال .. وينظرون للحلال وكأنه هو من يكبت حريتهم عن شهواتهم .. ولكن كما سنتفاوت في درجات الجنه بعقولنا المتيقنه بأن كل ما يمنعنا عنه الخالق هو من 
أجل جزائنا بجنته في النهايه سنتفاوت أيضا في درجات الڼار بعقولنا التي تبحث عن الحړام لكي ترضي اهوائها.
...........................
أقتربت ريما منها بأشفاق وهي تري أرتعاش جسدها القوي قائله مريم فيكي ايه من ساعة مارجعت من المطعم وانا لقياكي علي الحال ده .. انتي ليه مروحتيش المطعم جون اللعېن ما هيصدق 
لترفع مريم وجهها من بين ساقيها انا عايزه أرجع مصر يا ريما 
فتتأملها ريما قليلا قائله هترجعي لمين لجوز امك اللي مش عايزك في بيته وامك ڠصب عنها مش قادره تقول حاجه عشان متخسرش حياتها وولادها التانين .. ولا لعمتك اللي طردتك عشان خاڤت هي وبنتها لتسرقي خطيب بنتها .. ولا عمك اللي كلمك مره وقالك هيبعتلك تذكرة طياره ع لأمريكا عشان تيجي تعيشي معاه وبعدين مسألش فيكي حتي رقمه غيره ..هترجعي لمين قوليلي 
لتتطلع اليها مريم طويلا قائلة بضعف وخوف انا تعبانه اووي ياريما .. اول مره احس اني ضعيفه اوي قدام الدنيا طول عمري بقول لنفسي لازم اقف واقوم مهما حصل .. وافضل ديما الانسانه اللي عمرها مايأست من رحمة ربنا 
فأقتربت منها ريما وأحتضنتها بقوة قائله مش انتي قولتي هتعلميني ازاي أصلي أيه رأيك نقوم نصلي سوا .. هاا هترفضي طلبي وتفضلي قاعده بټعيطي 
لتتأملها مريم بسعاده وهي تمسح دموعها ياا ياريما اخيرا .. عارفه دلوقتي بقي احنا بقينا نساعد بعض كل ما واحد فينا هيضعف التاني هيقويه 
لتضحك ريما علي حديث صديقتها الجميل قائله وهي تشير بأصبعها اليها بس انا لسا مقررتش البس الحجاب .. ويمكن اصلي سطر واسيب عشره
فأبتسمت مريم علي حديث صديقتها المهم متسبيش كل الابواب بينك وبين ربك مقفوله افتحي باب يمكن في يوم يفتحلك كل الابواب ... هحكيلك حكاية اللص الصائم
فتأملتها ريما وهي تتطلع اليها بأعين الدهشه لص وصائم !
فأبتسمت مريم قائله وهي تنظر الي فاه صديقتها المفتوح ببلاها احد الصحابا سهيل بن عمرو كان مسافر هو وزوجته ..
وفي أثناء رحلتهم .. اعترضلهم قطاع الطرق ..
وخدوا منهم كل اللي معاهم من مال وطعام .. كل شئ !!
وبعدين قعدوا اللصوص يكلوا اللي حصلوا عليه من طعام وزاد ..
فلاحظ سهيل بن عمرو .. أن قائد اللصوص مش بيشاركهم في الاكل ده
فسأله .. أشمعنا انت مش بتاكل معاهم !!
فرد عليه وقاله إني صائم ..
فتعجب سهيل وقاله .. تسرق وتصوم !!
رد عليه وقاله إني أترك بابا بيني وبين الله لعلي أن أدخل منه يوما ما ..
وبعدها بعام أو عامين .. رأه سهيل في الحج وهو يتعلق بأستار الكعبة ..
وقد أصبح زاهدا .. عابدا ..
فنظر إليه وعرفه .. فقاله أو علمت