عشق الزين من الجزء 6 الى الجزء 10
اللى جاى
عبد الرحمن انا يا حجه ممكن ادخل
توحيدة بضيق تعال يابنى اتفضل
دخلو الصالون
توحيدة ايمان اعملى شاى
ايمان بارتباك من زيارة عبد الرحمن حاضر يا ماما
توحيدة بتنهيدة خير يابنى
عبد الرحمن انا عارف انك مش طايقنى .... بس انا مخترتش اهلى يا حجه انا عارف انك مش بتحبيهم وليكى حق بس مش لازم كلهم يبقوا شياطين زى ما كان فيه ليليان وطيبه وهى من نفس العيله وعمى فارس الله يرحمه وجدتى فى انا كمان والله يا حجه انا بحب ايمان اوى ياحجه ايمان دى حبى دى كبرت على ايدى انت ليه عاوزة تحرمينى منها لمجرد ان ليا اب وعم تفكيرهم فى الفلوس انا ماليش دعوة. بيهم صدقينى انا شاريها والله وعندى استعداد احارب الكل علشانها
عبد الرحمن اقسملك بالله ان كان كل تفكيرى ان اساعد ليليان واخلص من موضوعها وكان عندى امل ان ابويا ينسى الفلوس بهروبها بس للاسف منسيش ....يا حجه انا اللى هربت ليليان ليله كتب الكتاب وجبتها على هنا لعم حسن .... وايمان عارفه دا كويس ... والله بتمنى ان ليليان تفضل هربانه اهو تبعد عن القرف اللى هنا
عبد الرحمن اللى يخليكى توافقى حبى ليها ولو كان على القرف احنا مش هانعيش هنا. احنا هانسافر انا وايمان وانتى امريكا انا مقدم على بعثه وانشاء الله يوافقوا
توحيدة قلبها رق علشان شافت الحب فى عنيه ولهفته فى الكلام وانه عاوز يقنعها باى طريقه
عبد الرحمن انا راجل مش عيل علشان استنى موافقه ابويا انا اصلا مش هاقوله ولا هاعرفهم حاجة مش عاوز حاجة تمنعنى عن ايمان.... بس امى عارفه وموافقه وهتيجى معايا وقت كتاب الكتاب انشاء الله لو وافقتى
توحيدة كلام عبد الرحمن عاجبها طيب ادينى فرصه افكر وارد عليك
عبد الرحمن ربنا يخليكى ياحجه ... وصدقينى مفيش حد هايحب ايمان زى .... وزى ما ليليان قطعت علاقتها معاهم انا كمان هاقطعها
توحيدة بهدوء بتحبيه يا ايمان
ايمان ياااااه ياماما بحبه بس ... انا كبرت على حبه ليا والله هو طيب اوى ومش ذنبه ان له اهل زى دول
توحيدة هاعمل استخارة واقولك قرارى
ايمان بفرحه ماشى يا ماما
يوسف ايه يا عبد الرحمن كنت بتطمن على الحجه توحيدة ولا على ايمى
يوسف ماشى ياعم الغيور
عبد الرحمن انا ماشى من وشك
عبد الرحمن مشى ويوسف فى سرة انا سايبك بمزاجى يا عبد الرحمن الكلب علشان لما الهانم تظهر تبقا لوحدى وبس
فى شركه الجارحى
ليليان زين باشا انا خلصت
زين هو انا مش قولت قبل كدا بلاش باشا دى
ليليان لقته متنرفز حبت تهدى الوضع حاضر بشمهندس زين
زين اخدها ووقفوا فى الانساسير وليليان عماله تاكل فى شفايفها ودى عادة فيها لما بتوتر وهو مش على بعضه
مساء فى بيت الجارحى
على السفرة
زين عملتى ايه فى الامتحان
ليليان بخفوت الحمد لله
زين كويس
ليليان حاطه وشها فى الطبق ومش عارفه ترفع وشها
زين ارفعى وشك
زين بحدة قومى نامى
ليليان ها
زين بنرفزة بقولك قومى من وشى
ليليان عيطت واتنرفزت هو انت كل شويه تعاملنى كدا وتتعصب عليا.... انت غريب بجد ..... بص انا مخاصمك مش تكلمنى
زين نعم.... ايه مخاصمك دى
ليليان مخاصمك يا زين واياك تيجى ورايا واياك تقولى اشربى اللبن وربنا مانا شاربه بس ها
وجريت وراحت على الاوضه ونامت على السرير وقعدت ټعيط هى ليه مش فاهمه هو ليه كدا ليه بتحسه فيه حنيه الدنيا كلها وليه بتحسه قاسى وقلبه حجر وجارح زى اسمه بالظبط
فى الجامعه
ليليان سارة انا هامشى بقا اتأخرت على الشركه
سارة ماشى روحى انتى ومتنسيش تفكرى نخرج مع بعض يوم
ليليان ماشى هافكر وارد عليكى
فى الشركه
ليليان انسه سهيله بشمهندس زين جوا
سهيله بسخريه اه موجود ادخلى ... انتى هاتتبسطى اوى
ليليان بصتلها من فوق لتحت مجنونه دى ولا ايه
خبطت ودخلت لقت واحدة واقفه جنب زين وبتتكلم فى شغل ايه دا لحظه دى بتتكلم فى شغلها مين دى
ليليان بشمهندس زين
زين اهلا يا ليليان
ليليان بصت على الواقفه جنبه باستفهام
زين بابتسامه دى نورا سكرتيرتى الجديدا
ليليان احم ..مكان سهيله
زين لا مكانك انتى
ليليان امال انا هاروح فين
زين انتى مرفودة
ليليان برقت مصدومه نعم ... مرفودة
زين اه ... استغنيت عن خدماتك
ليليان استغنيت عن خدماتى ... انت بتهزر يا زين
زين وانا اهزر معاكى ليه يا هانم ....... وبعدين اسمى بشمهندس زين
بعدها زين جاله تليفون ورد عليها ووقف واداها ضهرة وقعد يتكلم ونورا قعدت تبص لليليان
