حب بعد الاستغلال
=تيجي نروح الملاهي؟
_ممكن بعد ما اخلص شغل؟
=خلاص ماشي
قعد قدامي وحط أيده علي خده وبصلي
_بتبصلي كده ليي؟
=اصلك شكلك حلو اوي في اللبس دا
_اول مرة ألبس فورمال
قرب مني ف وقفت _ احمد انت رجعت لشغل الافلام؟
فضل يقرب مني لحد ما وصلنا للحيطة، فك شعري وسابه ينزل علي كتفي
= كده احلي، احسن ما تكوني ربطاه
كان باصصلي في عيني، ابتسمت _ لا انت اتطورت، أنت يتخاف منك بعد كده!
=ايدا دا هو نفسه بتاع امبارح!
_اه، في حاجه يعبدالله؟
° الورق دا مطلوب توقعيه، بس شكلي جيت في وقت مش مناسب
_حط الورق علي المكتب ولما ابقي اقرأه ابقي أوقعه وروح شوف باقي شغلك
حط الورق علي المكتب وطلع بسرعة ورزع الباب!
رجعت بصيت ل احمد لقيته رافع حاجبه
=هو انتي وهو صحاب؟
_لاء
=بتحبيه اكتر منيي؟
_يعم لاء، دا مجرد معرفة قديمة ودلوقتي بيشتغل في الشركة بس
=أنا وانتي الي صحاب بس؟
_اعز صحاب
باسني في خدي= خلاص اتفقنا
_ولا! احنا في الشركة، اقعد علي الكرسي لحد ما اخلص يا مفيش خروج انت حر
قعد علي الكرسي = انتي قادرة علي فكرة
ضحكت _ وانت كمان والله، سيبني اشتغل بقي
خلصت وروحنا الملاهي
معاه بحس ب امان
بحس براءة، ضحكه طالعة من قلبي بدون تكليف، معاه حسيت إن الدنيا لسه بخير!
=يعني اي هنمشي يعني ؟
_يحبيبي الملاهي دي مش ملك الي جابونا، هنيجي تاني إن شاء الله
=وعد؟
_وعد، يلا نروح عشان اتأخرنا
روحنا واتعشينا، طلعنا الاوضه واديته الدوا
=هتروحي بكرة الشركة؟
_اه، منا الي اتنطط وقولت لباباك سيبلي الحسابات وقومت مشوحة ب أيدي كده
=الشغل صعب؟
_اوييي بس هحاول فيه، المهم اتبسطت النهارده ؟
=اه اوييي، نتفرج علي فيلم ؟
قومت من مكاني بسرعة _لاء يبابا انسي
=لييي؟
_بتقلب واحد تاني، خليك طيب احسن، تيجي احكيلك حدوتة؟
نام علي السرير، مسك أيدي وحطها بين أيده الأتنين، حكيت حدوتة بحبها ف نام، جيت امشي لقيته لسه ماسك أيدي!، ابتسمت وسحبتها بشويش، رتبت شعره الي كان نازل علي عينه، أنا مصاحبة الواد الكاريزما دا!
دخلت اوضتي ونمت، صحيت علي صوت احمد، اديته الدوا وفطرنا وروحت الشغل، دخلت المكتب لقيت عبدالله مستنيني جوا
° انتي اتغيرتي اوي يمريم، عمرك ما كنتي بتعامليني كده
_ والله انت علي اخترت اتعامل معاك ازاي، أنا فعلا ندمانة علي كل لحظة ضيعتها معاك
° وهتضيعي تاني
_ نعم يا اخويا؟
° مش حړlم الجمال دا يبقي مع عيل عب0يط زي الي شوفته دا؟
_ اخ0رس دا احسن منك ومن عشرة زيك
° اوه دا حب بقي
_ملكش دعوة بيا يعبدالله احسنلك، أنا ممكن اوريك وش هيفاحئنا احنا الأتنين، ف خليك بعيد، بدل ما تبقي برا الشركة خالص
° دا اخر كلام عندك؟
_ أيوة وتسمح تروح علي مكتبك بقي؟
قام من مكانه ووقف قدامي ° محضرلك مفاجأة حلوة اوييي بليل، هشوف بقي يا انا يا سي احمد بتاعك
