انا وجوزى
انت في الصفحة 1 من صفحتين
اعرفكم بنفسي انا اسمي رحمه وعندي 25 سنه كنت متربيه في ملجأ وفي يوم جات عندي المشرفه وقالت..
المشرفه
يا رحمه تعالي عايزاكي في كلمتين لوحدنا..
رحمه
حاضر يا ميس خيريه جايه اهوو..
وقومت من جنب صحابي وروحت معاها مكتبها وهناك كانت في ست كبيره بس شكلها طيب اووي وقالتلي..
خيريه
تعالي يا رحمه اقعدي ده مش حد. غريب دي الحجه سعاد اطيب ست بتيجي هنا عندنا بتجيب تبرعات..
اهلا وسهلا بحضرتك يا حجه سعاد..
سعاد
بسم الله ما شاء الله زي القمر يا خيريه وباين عليها متربيه كويس..
خيريه
اومال طبعا يا حجه سعاد احنا هنا بناخد بالنا من البنات والولاد كأنهم ولادنا بالظبط
سعاد
ما هو باين يا حبيبتي المهم مش هتقولي للعروسه علي الخبر الحلو
خيريه
لا طبعا هقولها دي يا حجه سعاد بصي يا رحمه الست سعاد معاها ولد عنده 34 سنه مهندس ميكانيكا اد الدنيا وعنده توكيل عربيات وكانت بتدورله علي عروسه بنت حلال وانا مالقتش احسن منك ليها..
طيب وهو حضرتك يا حجه سعاد ليه عايزه تجوزي ابنك واحده زيي مالهاش اهل وانتي بتقولي انه مهندس ميكانيكا اد الدنيا..
سعاد
لان الحال من بعضه وانتي اكتر واحده ظروفك زينا انا جوزي كان مقبوض عليه وقضي عمره كله لحد ما قابل وجه رب كريم مقبوض عليه وما فيش واحده متربيه وبنت اصول هترضي بابني وانا بحمد ربنا اني لقيتك انتي ادب واخلاق وجمال وكمان متعلمه وواخده كليه..
المهم يا رحمه احنا وافقنا والدار هنا هتجهزك من كل حاجه وربنا يتمملك علي خير يا حبيبتي..
رحمه
ان شاء الله وحددو معاد عشان يجي العريس ده ويشوفني ورجعت اوضتي اللي قاعده فيها مع زمايلي وقالتلي هبه صحبتي..
هبه
مبروك يا رحمه سمعنا ان جالك عريس لقطه..
رحمه
ايوه جه والمشرفه ومديرة الدار وافقو عليه
طيب قوليلي شكله ايه ده البنات هنا اول ما يمعو وكلهم بيحسدوكي..
رحمه
والله لسه ما شوفتوش بس من كلامهم عليه باين انه كويس ومحترم..
هبه
طيب وما قالوش هيجو امتي تاني عشان تشوفي العريس.
رحمه
لا قالو يوم الخميس الجاي ولو عجبته الخميس اللي بعده كتب الكتاب والفرح وهتكون كل حاجه علي الدايق..
يعني ايه لو الموضوع تم مش هيعملولك فرح..
رحمه
يعني هو هيفرق في ايه معايا لو اتعمل فرح هستفاد ايه وانا هكون في الفرح ده بطولي من غير اهل ولا حد يفرح بيا وافرح معاه
هبه بحزن
علي رئيك احنا اللي زينا يحمدو ربنا اووي انهم بيتعلمو وبيتجوزو ولاقين مكان يقعدو فيه بعد ما اهلنا رمونا هنا واتربينا واحنا يتامي...
طارق
ازيك يا رحمه انا طارق
عز الدين...
رحمه
اهلا وسهلا اتفضل حضرتك اقعد..
ابتسم وقال
هههه حضرتي ما علينا تعالي طيب اقعدي انتي كمان خلينا نتعرف كويس..
وقعدنا قصاد بعض وقال
زي ما امي وصفتك ليا بالظبط شكلك حلو وكمان محترمه باين عليكي..
رحمه بتوتر
شكرا..
طارق
بصي بقي انا عايز اتجوز. واحده تقعد في البيت يعني اتفقنا من دلوقتي انك مش هتقوليلي اشتغل ولا اخرج ولا اتفسح والكلام ده انا لما هكون فاضي من نفسي هخرجك تمام..
رحمه بضيق
تمام..
طارق
حلو وكمان انا عندي توكيل عربيات فشغلي كتير شويه سعات ممكن اتاخر اجي بعد نص اللليل وسعات ممكن اجي الفجر وسعات ابات وسعات بسافر بالاسبوع والشهر انا مش عايز نكد وكنت فين وجيت منين والجو ده تمام..
رحمه
حاضر..
طارق
واخر
حاجه
