سيدة القمر الاسود

عمر الى الحديقه ليجد جدته تجلس برفقة حبيبه الى احدى الموائد التي وضعت تحت ظلال شجره كبيره وارفه وهي تحسها على شرب كوب كبير من اللبن و حبيبه تشربه بصعوبه حتى لا تغضب الجده 
ليقترب منهم عمر وهو يضحك وهو يقول بمرح ويضع هاتفها في يدها يحاول كسب رضاها 
هتروحي الشغل والا هتاخدي اجازه النهارده 
حبيبه بتحدي 
هاروح الشغل طبعا ايه عندك اعتراض
عمر بابتسامه هادئه
ابدا وهعترض ليه انا بس كنت عاوز ابلغك ان في عربيه بالسواق بتاعها هيبقوا خاصين بيكي هايوديكي ويجيبك من الشغل كل يوم 
حبيبه بتبرم 
متشكره اوي انا هاخد تاكسي انا واخده على كده
الجده باعتراض 
وليه يا حبيبتي تمرمطي نفسك في المواصلات والتاكسيات وبعدين السواق بتاعنا هياخد باله منك و من المطبات وهيمشي بالراحه علشان حملك يتم بسلام 
ثم تابعت وهي تربت على يدها بحنان وعمر يتابع بتسليه حبيبه التي احمر وجهها من شدة الغيظ وهي تنظر اليه پغضب 
اسمعي كلام جوزك يا حبيبتي دا خاېف عليكي 
ثم تابعت وهي تنظر لعمر بعتاب 
وبعدين طالما انت موجود ماتوصلها للشغل وخلي السواق لليوم الي انت مش موجود فيه 
حاولت حبيبه الاعتراض الا انها تفاجأت بيد عمر تلتف 
حاضر عولم وينفذ يا افندم 
ثم مال يهمس على اذن حبيبه 
ابتسمي وافردي وشك وتعالي معايا احنا محتاجين نتكلم 
فنظرت له بغيظ وهي تبتسم پغضب ثم تميل على وجنة الجده 
والجده تبتسم بسعاده وهي تقول باهتمام 
متنسيش سندوتشاتك ياحبيبتي كوليهم كلهم واوعي تاكلي اي حاجه من بره انا حطالك عصير كمان 
اخذت حبيبه صندوق الطعام الصغير المعد مسبقا وهي تقول بارتباك 
حاضر هاكله كله 
ثم مشت مع عمر وهو يضحك بمرح وهو يستمع الى دمدمتها الغاضبه حتى ركبت
السياره واڼفجرت فيه پغضب
انت بتضحك على ايه مش حرام عليك جدتك الي كدبت عليها مش حرام تكسر فرحتها لما تعرف الحقيقه تقدر تقولي هتواجهها ازاي وهتقولها ايه 
قاد عمر السياره بهدوء ثم نظر لها ببرود 
ملكيش دعوه انا هتصرف معاها وعارف انا هقولها ايه بالظبط 
حبيبه پغضب
اه طبعا ماهو عادي عندك وطبع فيك ترفع الواحد لسابع سما وبعدين ترميه لسابع ارض لكن انا مش هاسمح بالكدب ده انا هقولها على كل حاجه مش هخليك تكسر بخاطرها ابدا 
عمر پغضب
انتي مجنونه والا ايه فاكره نفسك هتحبيها اكتر مني 
ثم تابع پغضب
انا كنت مضطر اقولها كده مش شايفه بنفسك انها كانت هتتعرض لازمه قلبيه لما عرفت اننا هنتطلق وبعدين موضوع حملك ده حتى لو كدب هيرفع من حالتها النفسيه خصوصا ان الدكاتره بيقولوا انها 
ممكن تحتاج لعمليه كبيره في القلب
حبيبه پخوف وقد نسيت مشكلتها الرئيسيه 
عملية ايه 
مش الدكاتره قالوا ان حالتها مستقره 
نظر عمر لها وقال بهدوء
ايوه حالتها مستقره بس اي انفعال او زعل ممكن يتسبب في تدهور حالتها ويخلينا نحتاج نعملها عمليه
حبيبه پاختناق وقد سالت دموعها
ان شاء الله مش هنحتاج لاي عمليات بس دي عاوزاني ارجع اعيش معاكم علشان تاخد بالها مني وعاوزاني اجهز واصمم اوضه للبيبي وفرحانه وقاعده تديني اقتراحات وبصراحه انا مش هقدر انفذ اي حاجه من الي هي عوزاني اعملها 
عمر بجديه 
لو بتحبيها وخاېفه عليها هتنفذي الي هي عوزاه منك
حبيبه باعتراض 
يعني عاوزني ارجع اعيش معاك تاني انت نسيت الي حصل امبارح ونسيت ان احنا كنا خلاص هنتطلق 
عمر بجديه 
لا منسيتش بس برضه مصلحة جدتي تهمني والمفروض انها تهمك برضه 
حبيبه پغضب 
انت عارف انها تهمني واني انا بحبها زي امي
واكتر بس الي انت عاوزه مني ده كتير 
عمر
بصرامه
ايه الي كتير يا حبيبه انتي هتعيشي معايا شهر اواتنين بالكتير هتمثلي فيهم اننا رجعنا لبعض وانك حامل واظن الدلع والاهتمام الي هتشوفيهم منها مش هيئذوكي في حاجه 
ثم تابع پغضب
وان كان على اوضة البيبي الي هي عاوزكي تعمليها اظن انك كده كنتي طالبه انك تغيري القصر كله فمش مشكله لو عملتي اوضه
للاطفال علشان ترضي جدتي 
حبيبه پغضب
انا كنت هغير القصر على ذوقي لما كنت فكراه هيبقى
بيتي لكن دلوقتي لاء
ثم تابعت بغيره
ابقى خلي حبيبة القلب هي الي تغيره لكن انا لا هغير حاجه ولا هعمل اوضه للبيبي وده اخر كلام 
ثم همست لنفسها
پألم وهي تنخيل جيلان حامل بطفل عمر
انا مش هصمم اوضه لابن واحده تانيه غيري
صمت عمر
قليلا ثم قال بهدوء
خلاص براحتك انا هدور على شركة ديكور تنفذ الاوضه الي جدتي عاوزاها بس المهم اننا اتفقنا على انك هتعيشي معانا في القصر الشهرين الي جايين
حبيبه بتوتر
طيب وبعد الشهرين ماهي هتعرف 
عمر بهدوء
بعد شهرين هكون خلصت الشغل الي ورايا وهاخدها ونسافر عند اختها في سويسرا وهناك هتنشغل باحفاد اختها وجو العيله الي هناك وهاقول ان الحمل طلع كاذب وشويه هعرفها اننا اختلفناو اتفاقنا على الطلاق 
هزت حبيبه رأسها پألم ثم مسحت عينيها من الدموع العالقه بها ونزلت من السياره التي توقفت امام مقر عملها 
لتتفاجأ بعمر ينزل من السياره وهو يقول بلهفه 
حبيبه 
استدارات حبيبه اليه فابتسم لها بحنان 
انتي نسيتي اللانش بوكس بتاعك
ياريت تاكليه كله والا هتلاقي جدتي جيالك الشغل تأكلك بنفسها 
ضحكت حبيبه بالرغم عنها وهي تتخيل الجده تطعمها امامهم
فتناولت الصندوق الصغير منه وهو يتابع بحنان 
ايوه كده اضحكي ووعد مني كل حاجه هتبقى زي ما انتي بتتمني واكتر 
ابتسمت حبيبه بعدم تصديق ثم توجهت لداخل العقار تتابعها عيون 
عمر العاشقه
ليتنهد اخيرا بتعب وهو يتصل بالحراسه الخاصه بحبيبه 
يتأكد من يقظتهم وجودهم في اماكنهم حول العقار حتى اطمئن لتأمينها جيدا وغادر وهو يفكر في كيفية تعويضها عن كل ما مرت به 
من عڈاب وألم 
في الاعلى 
جلست حبيبه الى مكتبها بعد ان حيت ساره ومرام التي تقومان باعداد ميزانية العمل الجديد الذي سينفذانه في حين قال ياسر باهتمام 
حبيبه تعالي عاوز افرجك على التصميم الجديد الي عملته في الشقه الي شغالين عليها 
ساره بسعاده
العميله كانت مبسوطه اوي بالتصميم الي عملتيه ووعدت انها
هتقول لكل اصحابها علينا
حبيبه بعدم تصديق
بجد عجبها يعني مطلبتش اي تعديل عليه 
ياسر بمرح
لا طبعا طلبت تعديل بس على تصميمي انا 
فانفجروا جميعا في الضحك ومرام تقول بمرح
الا بالحق يا حبيبه مين القمر الطول بعرض ده الي كنتي نازله من عربيته 
حبيبه بارتباك 
دا دا واحد قريبي 
مرام بابتسامه حالمه تريد بها اثارة غيرة ياسر وهي تقرص ركبة حبيبه دون ان يراها احد
اوعي تقولي انه مرتبط والا متجوز 
حبيبه بارتباك وهي تنتفض پألم من قرصة مرام وتنظر بحذر لياسر الذي يكاد يشتعل من شدة الغيره 
لا مش مش مرتبط 
مرام بحالميه
طب ما تعرفيني عليه وليكي الحلاوه
ياسر پغضب بعد ان فشل في السيطره على غيرته
ماخلاص بقى يامرام ايه نسيب الشغل ونقضيها مغازله في قريب حبيبه 
مرام بابتسامه ماكره 
خلاص سكتنا أهوه أصلنا قاعدين 
في مدرسه 
اقتربت ساره من مرام وحبيبه وهي تغمز بعينها وتميل عليهم وهي تهمس 
هو صحيح حلو قوي كده 
ساره بهيام
يجنن قمر
طول بعرض وايه هيبه وجاذبيه وشكله شخصيه 
ساره وهي تغمز بعينيها بمرح
لاان كان كده يبقى انا لازم اعاين واشوف بنفسي 
ضحكت حبيبه ومرام بمرح في حين هب ياسر خارجا وهو يقول پغضب 
انا خارج ولما تخلصوا المسخره دي وتنوو تشتغلوا ابقوا اندهوا عليا 
ثم تركهم وخرج تتبعه ساره وهي تنادي عليه
تعالى بس يا ياسر رايح فين 
حبيبه بلوم 
زودتيها اوي يا مرام مفيش راجل يستحمل يسمع الي بيحبها بتتكلم كده على راجل غيره 
مرام بسعاده 
ليه